🙏 पु. अण्णासाहेब वर्तक स्मारक मंदिर – पुनर्विकास प्रकल्पासाठी आपुलकीचे आवाहन 🙏

आपल्या प्रेम, आस्था आणि उदात्त योगदानामुळे पु. अण्णासाहेब वर्तक स्मारक मंदिराचा पुनर्विकास प्रकल्प नियोजितपणे आणि जोमाने पुढे सरकत आहे. आतापर्यंत मिळालेल्या अमूल्य साथीसाठी सर्व दाते, हितचिंतक व कार्यकर्त्यांचे मनःपूर्वक आभार! 💐 या प्रकल्पाचा एकूण खर्च ₹३० कोटी असून, आजघडीला ₹२३ कोटींचा निधी (यामध्ये वचनबद्ध प्रमुख देणग्यांचा समावेश) आपल्यासारख्या दात्यांच्या उदार योगदानातून उभारला गेला आहे. मात्र, अजूनही सुमारे ₹७ कोटींची तातडीची आवश्यकता आहे, जेणेकरून प्रकल्प ठरलेल्या वेळेत आणि उच्च दर्जा टिकवून पूर्ण करता येईल. 🔹 बांधकाम पूर्ण जोमात सुरू असून आतापर्यंत ५ मजल्यांचे स्लॅब पूर्ण झाले आहेत. 🔹 ६ व्या मजल्याचा स्लॅब २४ ऑगस्ट २०२५ रोजी घेण्याचे नियोजित असून, सर्व ९ मजल्यांचे स्लॅब ऑक्टोबर २०२५ अखेरपर्यंत पूर्ण करण्याचा संकल्प आहे. 🔹 गुणवत्ता, पारदर्शकता व किफायतशीर खर्च – हे आमचे तीन आधारस्तंभ. 🔹 बांधकाम उत्तम नियोजन व तांत्रिक देखरेखीखाली सुरू आहे. 🔹 दर गुरुवारी सायंकाळी प्रगती आढावा बैठक – आपले मनःपूर्वक स्वागत. ✨ माजी विद्यार्थी, समाजबांधव व हितचिंतकांसाठी नम्र आवाहन – हीच वेळ आहे पु. अण्णासाहेब आणि आपल्या समाजधुरीणांच्या कार्याला अभिवादन करण्याची, तसेच भावी पिढ्यांसाठी एक अमूल्य सांस्कृतिक व सामाजिक ठेवा उभारण्याची. 🌱 चला, आपण सारे मिळून हा गौरवशाली प्रकल्प पूर्णत्वास नेऊया! आपले योगदानच या कार्याला खऱ्या अर्थाने यश देऊ शकते. आपले स्नेहांकित, श्री. नरेश राऊत अध्यक्ष, पदाधिकारी मंडळ डॉ. दीपक एस. चौधरी मुख्य व सहकारी विश्वस्त श्री. प्रभाकर ठाकूर प्रमुख – निधी संकलन समिती सो. क्ष. स. संघ व फंड ट्रस्ट

Comments