रिया चौधरीची मुंबई टी-२० लीगमध्ये आयकॉन प्लेअर म्हणून निवड

Home > Sports > रिया चौधरीची मुंबई टी-२० लीगमध्ये आयकॉन प्लेअर म्हणून निवड

रिया चौधरीची मुंबई टी-२० लीगमध्ये आयकॉन प्लेअर म्हणून निवड

महिम–विरार येथील प्रतिभावान क्रिकेटपटू रिया सुरेंद्र चौधरी हिची मुंबई विमेन्स टी-२० लीगमध्ये आयकॉन प्लेअर म्हणून निवड झाल्याने परिसरात आनंदाचे वातावरण निर्माण झाले आहे. लहानपणापासून सातत्याने कठोर परिश्रम आणि जिद्दीच्या जोरावर रियाने क्रिकेट क्षेत्रात आपली वेगळी ओळख निर्माण केली आहे. तिने मुंबई अंडर-२३ संघाचे कर्णधारपदही भूषवले असून, तिच्या नेतृत्वगुणांचे सर्वत्र कौतुक झाले आहे. रिया ही एक स्फोटक विकेटकीपर-फलंदाज म्हणून ओळखली जाते. तिच्या दमदार फलंदाजीमुळे आणि उत्कृष्ट विकेटकीपिंगमुळे ती संघासाठी महत्त्वाची खेळाडू ठरली आहे. मुंबई विमेन्स टी-२० लीगमध्ये तिला तब्बल ५.५० लाख रुपयांना आयकॉन प्लेअर म्हणून निवडण्यात आले आहे, ही तिच्या कारकिर्दीतील मोठी कामगिरी मानली जात आहे. रिया चौधरीच्या या यशाबद्दल तिच्यावर अभिनंदनाचा वर्षाव होत असून, भविष्यात ती आणखी मोठ्या उंची गाठेल, असा विश्वास व्यक्त केला जात आहे. 🏏✨